Eusko Jaurlaritzaren 2026ko kultur sorkuntzarako laguntzak
Gobernu Kontseiluak gaurko bileran 2026ko kultur sorkuntzarako deialdiari onespena eman du. Aurten, berrikuntza moduan, sormen grafikoa ere barne hartuko da, komiki eta nobela grafikoak, albumak eta liburu ilustratuak bezalako modalitateekin.
646.750 euroko kopurua bideratuko da deialdi honetara, iaz baino %5,5 gehiago. Deialdi honek antzerki testuak, gidoi zinematografikoak, musika konposizioak, gazteei zuzendutako euskarazko testu literarioak, euskarazko ipuin eta eleberri laburrak, eta koreografiak babesteko laguntzak eskaintzen ditu, baita komiki eta nobela grafikoetarako sormena sustatzeko laguntzak ere.
Kopuruak honela banatuko dira:
- 108.000 euro antzerki testuak sortzeko (12 laguntza)
- 156.000 euro gidoi zinematografikoak sortzeko (12 laguntza)
- 82.000 euro musika-konposizioak sortzeko
- 54.000 euro euskarazko testu literarioak sortzeko (6 laguntza)
- 54.000 euro euskarazko ipuin eta eleberri laburrak sortzeko (6 laguntza)
- 54.000 euro koreografiak sortzeko (6 laguntza)
- 69.375 euro komiki eta nobela grafikoetarako sormen grafikorako (5 laguntza)
- 69.375 euro album eta liburu ilustratuetarako sormen grafikorako (5 laguntza)
Eskabideak aurkezteko epea hilabetekoa izango da, deialdia Euskal Herriko Agintaritzaren Aldizkarian argitaratu eta hurrengo egunetik aurrera.
